Agtergrond
Keuses, Pryse en Kortings
Soort Advertensies
Voorwaardes

Agtergrond

SuproNet besit en bedryf ‘n aantal webwerwe wat veral gefokus is op Centurion en sy mense. Die belangrikste hiervan is:

• CenturioNet: Algemene inligting vir en oor Centurion, insluitende aspekte soos geskiedenis, besienswaardighede en gebeure (dagboek). In Mei tot Julie 2002 het besoeke aan CenturioNet (Afrikaans) met 65% in terme van bladsy-indrukke en 73% in terme van besoeksessies toegeneem vergeleke met besoeke gedurende die voorafgaande drie maande (Feb tot April 2002).
• BesigheidCenturion: ‘n Webwerf gemik op besigheid in Centurion. Dit bevat onder andere ‘n besigheidsgids met lyste (per kategorie van produk/diens) van besighede in Centurion waarop besoekers besighede of produkte kan soek. Statistiek (ekonomiese data) oor Centurion en inligting oor georganiseerde besigheid word ook verskaf. (Besighede kan ook hulle besonderhede in die gids laat opneem. Sien: Gidsinskrywing.) In Mei tot Julie 2002 het besoeke aan BesigheidCenturion (Afrikaans) met 63% in terme van bladsy-indrukke en 144% in terme van besoeksessies toegeneem vergeleke met besoeke gedurende die voorafgaande drie maande (Feb tot April 2002).

Beide hierdie webwerwe is volledig in Afrikaans en Engels beskikbaar.

SuproNet skep ook van tyd-tot-tyd webwerwe vir besondere geleenthede. Dit bied uitstekende geleentheid vir hoë-impak bemarking oor ‘n kort tyd. Voorbeelde sluit in:

• Wildsfees 2002
• Gholfdag 2002
• Kaskarkenades 2001

Besoeke aan die CenturioNet suite van webwerwe het as volg gegroei (i.t.v. besoeksessies):

• Jan - Mrt 2003 vs Okt - Des 2002: 60% groei
• Jan - Mrt 2003 vs Jan - Mrt 2002: 420% groei.

Ons bied u die geleentheid om op bogenoemde webwerwe te adverteer. Indien u ‘n behoefte het wat nie hierdeur bevredig word nie, maak asseblief met ons kontak of voltooi die diensversoek.

Keuses, Pryse en Kortings (Afslag)
Prys sluit BTW in.

Soorte Advertensies

Banieradvertensie

Adventensie soortgelyk aan die volgende voorbeeld. Dit word tussen die bladsy se kop en die inhoud geplaas.

Banieradvertensies moet 460 stippels (“pixels”) wyd wees en hoogstens 70 stippels hoog. Dit mag in jpg of gif (gewoon of geanimeerd) wees. Grootte moet sover moontlik beperk word - die voorbeeld hierbo is slegs 6kB groot.

Kantadvertensie

Advertensie soortgelyk aan die volgende voorbeeld. Dit word aan die regterkant van die inhoud van ‘n bladsy geplaas en gewoonlik sal advertensies beperk word tot drie per bladsy. ‘n Dubbeladvertensie is twee keer so hoog as die voorbeeld.

Kantadvertensies mag hoogstens 120 stippels wyd wees. Die hoogte word beperk tot 120 stippels vir enkel- en 240 vir dubbeladvertensies. Dit mag in jpg of gif (gewoon of geanimeerd) wees. Grootte moet sover moontlik beperk word - die voorbeeld hierbo is slegs 4kB groot.

Indien adverteerders nie oor geskikte advertensies beskik nie, kan SuproNet behulpsaam wees met die skep van ‘n advertensie. Om navraag te doen oor prys en vereistes, kontak ons.

Voorwaardes

• Alle pryse sluit BTW in.
• Pryse is onderhewig aan verandering sonder kennisgewing vooraf. Prys sal op aanvraag bevestig word d.m.v. geskrewe kwotasie.
• Advertensies is streng vooruitbetaalbaar
• Sien Voorwaardes vir algemene verkoopsvoorwaardes
• Die adverteerder verskaf die advertensie in formaat gereed vir plasing. SuproNet kan op versoek kwoteer vir die skep van advertensies indien die adverteerder nie reeds oor ‘n gepaste advertensie beskik nie.
• SuproNet behou die reg voor om enige advertensie te weier sonder opgaaf van redes. Aspekte wat ‘n rol sal speel in die weiering van advertensies sluit die volgende in:
• Tegniese aanvaarbaarheid van die advertensie. Advertensies moet aan die tegniese vereistes m.b.t. formaat en grootte voldoen.
• Estetiese aanvaarbaarheid van die advertensie.
• Produk of diens wat geadverteer word en die woorde en/of beelde waarmee dit geadverteer word. Die waarskynlike gehoor en morele waardes sal ‘n rol speel in beoordeling van aanvaarbaarheid